Түркия Республикасынын жаштар жана спорт министри, доктор Осман Ашкын Бак Кыргыз-Түрк «Манас» университетине (КТМУ) келип, студенттер менен жолугушту.
Жолугушууга Түркия Республикасынын Бишкектеги атайын жана ыйгарым укуктуу элчиси, доктор Мекин Мустафа Кемал Өкем, КТМУнун ректору профессор Алпаслан Жейлан, башкы катчы PhD. доц. Фатих Рамазан Истанбуллугил, спорт илимдери факультетинин деканы, профессор Джипаркуль Абдырахманова жана Түркия Республикасынын Жаштар жана Спорт минситрлигинин Эл аралык уюмдар жана тышкы байланыштар бөлүмүнүн башкы директору Ахмет Али Темуржи катышты.
Министр Бак студенттердин суроолоруна жооп берди
Кыргызстанга мурда да ар кандай иш-чаралар менен келгенин белгилеген Бак, Түркия менен Кыргызстандын ортосундагы мамилелердин жана түрк дүйнөсүндөгү жаштардын өз ара байланыш куруусунун маанилүүлүгүн баса белгиледи. Жаштар маданий жана руханий баалуулуктарына бекем, технологиялык өнүгүүлөрдү көзөмөлдөгөн жана жасалма интеллект тармагындагы жаңылыктарды жакшы түшүнгөн инсандар болуп жетилиши керектигин айтты.
Студенттердин суроолоруна жооп берген Бак университет жылдары жөн гана академиялык билим менен чектелбеши керектигин айтып, спорт иш-чараларына катышуу, ыктыярдуу иштер жана коомдук жоопкерчилик сезими жаштардын өнүгүүсүндөгү ролуна көңүл бурду.
«Манас» студенттери үчүн Түркиядагы жаштар лагерлеринин мүмкүнчүлүгү
Студенттердин Түркиядагы жаштар борборлорунан, билим берүү программаларынан жана лагерлеринен пайдалана алуусу боюнча министр Бакка сунуш киргизген Өкем, эки өлкөнүн ортосунда түзүлгөн орток университеттин студенттери үчүн мындай мүмкүнчүлүктөрдүн маанилүүлүгүн баса белгиледи.
Министр Бак студенттерди Түркиядагы жаштар лагерлеринде коноктоо мүмкүнчүлүгүн карап чыгууга болорун белгилеп, бул багытта КТМУ менен координацияда иш алып барууга даяр экенин билдирди. Ошондой эле Түркиянын ар кайсы шаарларында жайгашкан жаштар лагерлери менен студенттик жатаканалардын жай мезгилинде пайдаланууга боло турган мүмкүнчүлүктөргө токтолуп, студенттерди Түркияда коноктоо жана аларга өлкөнүн ар кайсы шаарлары менен таанышууга шарт түзүү маселелерин кароого болорун айтты.
Спорт инфраструктурасы жана жабдык муктаждыктары каралды
Чакар университетте жабык сүзүү бассейнине болгон муктаждык менен катар каноэ, велосипед жана каяк колдонулган жабдыктарды жаңыртууга багытталган талаптарды жеткирди.
Жолугушуу студенттердин министр Бак менен түздөн-түз пикир алмашуусуна жана жаштар иш-чаралары менен спорт тармагындагы муктаждыктарды күн тартибине алып чыгууга шарт түздү.
.jpg)
